بهانه : ألو ...ايوه يا حمدان ...انا سمعاك كويس ...انت سامعنى ...طيب كويس....بقول لك ايه ...انت مش ناوى والا ايه
حمدان:ناوى على ايه
بهانه: ياخبر يا حمدان ....مش عارف على ايه....على الجواز ...والا انت نسيت
حمدان: جواز ....جواز ايه ...جواز مين
بهانه: جواز مين!!! جوازنا طبعا
حمدان:جوازنا!!!!هو انا كنت شفتك والا قابلتك قبل كده ...هو فيه غير كلامنا على النت والمحمول ؟
بهانه :وماله ياحمدان هو ده مش كفايه ؟ هو احنا اول ناس حنتجوز بعد ما اتعرفنا على النت؟ ما انت عارف زحمة الشوارع دلوقتى مش مخليه حد قادر يروح ولا ييجى ...وبيسالوا على بعض بالتيلفون ...واهم حتى بداوا يتجوزوا بالتيلفون
حمدان: ثم ان انا عايش فى الخليج وانت فى مصر يعنى لازم اجى لعتدك وانا ظروفى الماديه ملخبطه شويه اليومين دول
بهانه: ولا تعيل هم
حمدان:لأ يباهانه انا مقبلش فلوس من حد مهما كان
بهانه: فلوس ايه ...احنا حنعمل زى ما اتنين من المسلمين فى الهند ماعملوا ...فين بتقول ؟ ....اظن فى بلد اسمها ...اسمها ايه يابهانه....آه اسمها مرشد اباد ...فى غرب منطقه اسمها البنغال ....البنغال مش البغاله ....العروسه فى البنغال وعريسها فى الكويت والماذون وصل المحمول بسماعات كبيره وكل اهل البلد الحاضرين سمعوا العريس وهو بيقول الكلام ورا الماذون ....ايوه وهو فى الكويت ....بيشتغل ملاحظ عمال هناك ...قلت ايه
حمدان: تفتكرى ده ممكن؟
بهانه: وليه لأ خلينا نسال الناس ...ايه رايكم ممكن والا مش ممكن
ترجمه بتصرف عن اللغه الهنديه ...ايوه واحده من اللغات الكثيره هناك ....ومعذره ان لاحظتم اى اخطاء فى الترجمه فنحن لسه فى كيه جى وان فى اللغه الهنديه ...والقصه الهنديه من وكالة رويتر وتصلح جدا للأجواء المصريه بعد ان اصبح السير فى الشوارع بالسياره شبه مستحيل ومع ان عبد المطلب قال زمان ساكن فى السيده وحبيبى ساكن فى الحسين وعشان انول كل الرضى يوماتى اروح له مرتين من السيده لسيدنا الحسين ...الا ان ذلك كان زمان وجبر ....وجرب وشوف ....قصدى جرب كده يكون حبيبك ساكن فى الحسين وقول لنا حتروح عنده ازاى وكام مره فى السنه
هناك ٣٩ تعليقًا:
انا عن مش رايحة غير لما يخترعوا السيارة الطائرة
اصلى بتخنق بسرعه من زحمة المواصلات
بس بهانة جريئة اوى خالص يعنى علشان تطلب من حمدان تتجوزة عبر الاثير
ده فيه شبه من جواز الدم برضه ولا الدموع باين
هي الجوازة شرعي ليس عليها غبار ولا عفار :)
فيها ايجاب وقبول واشهار وكل البلد سمعت بالنبأ السار
بس هو مستعجل علي ايه ماهو كدا كدا مسافر وكان استني لما يرجع بعد ما يكون كوم نفسه ويتجوزها
بس مااعتقدتش انها هتنتشر في مصر
لانها جوازة مع ايقاف التنفيذ
والمصريين زهقوا من بناتهم الود ودهم يرموهم في النيل فمش هيجوزوهوم ويفضلوا قاعديين معاهم
تحيــاتى
ســـلام
و انا على كدة ممكن اتجوز على النت
بس ياترى لتكون الجولازة شرعية هل يلزم ياهو ماسنجر
ولا ياهو ميل
ولا ام اس ان ولا جيميل
و هل يبطل عقد الزواج في حالة تغيير الايميل
جواز بالتليفون جواز عن طريق النت
وسائل التعارف الحديثه والضحك يشتغل
والناس تنصب على بعضها الموضوع دة شائك جدا جدا وعلى مااعتقد ان التليفون ولا النت قادر على اعطاء صورة واضحة لأمكانيه التعارف بين الافراد وللاعتماد عليه لابد من وجود جهة مسئولة تستطيع حمايه الافراد من عمليات النصب التى تتم عن طريق إستعمال النت كطريق للتعارف
أو
-----------------------------------
اما عن طريق النت فتحيطة الكثير من الاسئلة التى تحتاج الى الأجوبه
مع وضع فى الاعتبار ان الكثير يأخذه كوسيلة للتسليه الغير هادفة
اسئله محيرة تحيط بهذة الوسيلة العصريه
التى قد تكون الملجأ الوحيد للخروج من عنق الزجاجة ومن الدوائر المفرغة المحيطة بالشباب ...
بعيد بقى عن شرعية وعرفية
فيين الجواز
مش هو علاقة بين بنى ادم وبنى ادم
الاتنين عارفين بعض وحبابيين شخصيات بعض
وكل واحد شايف فى التانى شريك صالح للمستقبل
نسيب السكة دى ونروح منطقى تانية
انا اعرف ان فى مثل شعبى
بيقول فى ما معناة
ان لما تعوز تعرف شخصية حد على حقيقتها
لازم تسافر معاة
تخيل بقى احنا دلوقتى بنتكلم عن حد
مقعدناش معاة حتى
تيجى ازاى
Two in One
اهلا وسهلا بحضرتك صديقة للبرنامج وزائرة للمدونة
من الواضح ان حمدان مش مستعجل دى بهانة هى اللى مستعجلة وعايزة تتجوز حمدان قبل ما يشوف واحده تانية علشان كدا عملت الفرح عالمى وسمعوا الدنيا كلها النبأ السار من غير ما العرير والعرورة يشوفوا بعض اصلاً
تمنياتنا بدوام التواصل
محمد الكومي
اهلا وسهلا بيك صديق للبرنامج وزائر للمدونة
اعتقد انه فى حالة تغيير الايميل لابد من وجود محلل
تمنياتنا بدوام التواصل
رئـــــيسـة حزب الأحلام
اهلا وسهلا بيكى صديقة للبرنامج وزائرة للمدونة
التكنولوجيا عموما سلاح ذو حدين
هنا من يستغلها فى عمل جاد واثبات ذاته وهناك من يستغلها فى الحيل والاكاذيب والنصب ... اذن لابد من اتخاذ الحيطة والحذر
تمنياتنا بدوام التواصل
واحد مش فاهم حاجة
اهلا وسهلا بيك صديق لبلرنامج وزائر للمدونة
من الممكن على فكرة زواج النت لانه وسيلة تعارف كاى وسيلة تانية انما اعتقد انه مش بيكون ناجح لان الطرفين بيكونوا حذرين فى التعامل مع بعض وكل واحد بيتظاهر احسن صفاته زى جواز الصالونات كدا ...
شرفتنا جدا
تمنياتنا بدوام التواصل
اصدقائى الأعزاء المدونين والمدونات
تمت اليوم إذاعة باقى اجابات سؤال السيارة الطائرة فى برنامجنا الإذاعى
أنت تسأل والكمبيوتر يجيب
الذى يذاع يوميا الساعه 9.10 صباحا على اذاعة البرنامج العام ماعدا يوم الجمعه
من زوارنا الكرام التى تمت اذاعة اجابتهم
مدحت محمد
كشكول المورق
صبرنى يارب
ام احمد المصرية
غمض عينك
جيهان على
امل
روفى
حاجات جوايا
الطائر الحزين
عبده الرايق
يمكنكم الآن سماع الحلقة من البوكس يسار المدونة
http://netonradio.blogspot.com
او من خلال الموقع
http://dear.to/cairo
تمنياتنا بدوام التواصل
السلام عليكم ورحمة الله وبركاته
بسم الله ما شاء الله
حلوة دي والله
يعني نجوز عن طريق المحمول والتعرف عن طريق النت من غير لا قبول شكلي ولا تأكد من قبول الشخصيات وتوافقها ؟؟
طب عقد القران وهايتم من بلد لبلد وعن طريق المحمول
طب وبعد كدة يعني هاتسافره ولا تقعد في بيت أهلها توفيرا لنفقات ؟
لا حول ولا قوة إلا بالله
هو الجواز بقى مجرد عقد يكتب وخلاص
الجواز ده حاجات كتير أوي عشان يكون زواج بجد ونكون حققنا المراد الشرعي من الزواج
واكيد أتنين كل علاقتهم عن طريق شاشة كمبيوتر ولا سماعات محمول التوافق بينهم مش هايكون توافق تام مع اعتبار أن الأتنين فعلا بيكلموا بصراحة
لالالالا
حدوتة فاشلة
تحياتي
جيهان علي
اهلا وسهلا بيكى صديقة لبلرنامج وزائرة للمدونة
هو فى ظل الزيادة السكانية وازمة المواصلات وقلة الدخل وزيادة الطلبات من مهر وشبكة وشقة وعفش وخلافه فالحل الافضل اللى عملته بهانة
:)
تمنياتنا بدوام التواصل
اصدقائى الأعزاء المدونين والمدونات
غداً الاثنين 14/7/208 يتم اذاعة حلقة خاصة من برنامجنا الإذاعى
أنت تسأل والكمبيوتر يجيب
الذى يذاع يوميا الساعه 9.10 صباحا على اذاعة البرنامج العام ماعدا يوم الجمعه
عن اصغر مدونين فى الوسط التدوينى
وهم
ابتسم من فضلك
المبرمج المحترف
كما يمكنكم سماع الحلقة مباشرة فى نفس موعد اذاعتها الساعة 9.10 صباحا
من خلال موقع البرنامج
http://dear.to/cairo
تمنياتنا بدوام التواصل
انا اعتقد ان مينفعشى بهذة الطريقة
ان يتم بناء بيت و اسرة لان يجب ان يكون هناك توافق و قبول بين الطرفين
و يجب استخداو التكنولوجيا بطريقة مثمرةو بطريقة تفيد المجتمع
ممكن اعرف ايه اللى ممكن يحصل لو الموبايل مع المأذون فصل شحن او هو خط ولا كارت وياريت لو اعرف المأذون اخد حقه ناشف يعنى فلوس ولا شحن على الطاير ولا كروت ولا رسايل مجانية وايه اللى ممكن يحصل لو الرصيد خلص من المأذون وسمع المعزيم الجملة الشهيرة عفوا لقد نفذ رصيدكم وهل ممكن فى الحالة دى المأذون يلجا لخدمة سلفن لحين ميسرة شكرا ولا الجوازة تبقى غير شرعية ارجو الافادة وشكــــــــــرا
yassr
السلام عليكم
هيه شكلها كده تنفع جوازة شرعية بس ايه اللي يضمنا ان العريس هوه نفسه العريس مش يمكن يكون حد تاني هوه اللي بيتكلم بداله انا رأيي انه مادام كده كده نازل يبقى يستنى أحسن الا اذا كانت العروسة هيه اللي مستعجله فعلا بس وقتها بقه ربنا يستر والعريس يطلع هوه هوه مش حد تاني شفتوا بقه فايدة جهاز ناقل الجزيئات
عبده الرايق
اهلا وسهلا بيك يا فندم صديق للبرنامج وزائر للمدونة
حمدان خلاص اتدبس وكتب الكتاب عبر الاثير والدنيا كلها شهدت على العقد
تطلع سلعوة تطلع فرخة مصابة بانفلونزا الطيور اتدبس وحصل اللى حصل
تمنياتنا بدوام التواصل
دعوة للأمل
اهلا وسهلا بيكى صديقة للبرنامج وزائرة للمدونة
هو عموما استخدام التكنولوجيا سلاح ذو حدين ممكن من خلالها نستفيد وننمى طاقتنا وممكن من خلالها نضيع معانى جميلة كتير
بناء اسرة من خلالها اعتقد صعب شوية
شرفتينا
تمنياتنا بدوام التواصل
yasser
اهلا وسهلا بيك صديق للبرنامج وزائر للمدونة
فى حالة لو الموبايل فصل شحن ممكن المأذون يحول رصيد من اى حد من المعازيم على ما العريس يبعت له حوالة عبارة عن كارت شحن فئة 10 جنيه
وممكن العريس يستخدمها حجه ويوقول مش معايا فلوس دلوقتى او لسه مش قبضت وبما ان بهانة ملهوفة على الجواز
هتقوم هى بشحن كارت للماذو ن فئة 100 جنيه وانت مع فودافون اتكلم من القلب
بالمناسبة ده اعلان غير مدفوع الاجر
كلمنى شكرا
قصدى تمنايتنا بدوام التواصل
امل
اهلا وسهلا بيكى صديقة للبرنامج وزائرة للمدونة
فى احلة لو حد تانى غير العريس ممكن تبقى محلولة ونقول العريس كان مشغول وعمل توكيل للحد التانى ده ينوب عنه فى الجوازة
علشان خاطر بهانة كل شيئ لازم يتحل
تمنياتنا بدوام التواصل
لا يجوز يا معلمي مين قال يجوز
انا شايفه انه ما ينفعش من غير توكيل رسمي موثق اولا قبل التليفون والبتنجا ن ده
والله تعالى اعلى واعلم
ده غير انى ضد الحب والجواز عبر الشبكه العنكبوتيه او التيليفون
لازما ولا بد يكون الحب فيس تو فيس
وشا لوش هههههههههههههههههه
انما غيابي كده ما يبقاش حب يبقى بله بنجالي قريب منغولي يعنى
وبعدين انا ما اعرفش من السيده للحسين اد ايه انا من المنصوره يا اخويا والله .
وانا ما كنت باروح لحد هو الى كان بيجى طبعا هههههههههههههه
مع احترامى لكم جميعا بلاش الاسلوب ده والكلام عن الشرع بهذه الطريقه
وفى الحقيقه لايجوز مثل هذا الزواج لو عايزين تفاصيل اوكى مفيش مشكله بس علشان مطولش .
أما بالنسبه للحبيب اللى ساكن فى الحسين هروح له فى المناسبات وبس.
(رجاء محدش يزعل منى بس الصح صح)
تمنياتى لكم بمزيد من التفوق
صبرني يارب
اهلا وسهلا بحضرتك صديقة للبرنامج وزائرة للمدونة
هو الحب عبر الاثير فعلا ممكن يكون حقيقى
زى البلتوث كدا لما بنتبادل صور او نغمات من خلاله بتوصل طبق الاصل ؟؟؟
ممكن تكون مشاعرنا الانسانية بتتلكك وبتحب على نفسها وخلاص بقى مش مهم تليفون نت حتى لو تلغراف
المسافة من السيدة للحسين
اممممممم
والله لو طبقنا نظرية الجزئيات ممكن تاخد فيمتو ثانية
والله اعلى واعلم
:)
تمنياتنا بدوام التواصل
australia
اهلا وسهلا بحضرتك صديق للبرنامج وزائر للمدونة
بالمناسبة الشرع محدش اخطأ ولا اتكلم بسوء بالعكس جميع المدونين الكرام علقوا بكل ذوق ورقى أخلاق
لو تكرمت حضرتك وجبت لنا معلومات نكون شاكرين وممتنين جدا لحضرتك
تمنياتنا بدوام التواصل
اصدقائى الاعزاء
يمكنكم الآن سماع الحلقة التى تمت إذاعتها اليوم الاثنين 14/7/2008 الخاصة باصغر اتنين مدونين
ابتسم من فضلك
المبرمج المحترف
الحلقة توجد فى السايد بار يسار المدونة تحت عنوان
YOUNG BLOGGERS
تمنياتنا بدوام التواصل
اعتقد انه فى حالة تغيير الايميل لابد من وجود محلل
hhhhhhhhhhhhhhhhhhhhhh
معقول في كده و ده يفرش لها كام جيجا؟ و عفشة مية؟
و لو حب يهاديها يبعت لها فايل الماز؟
اوروفوار
انا جاتلي دعوة في التعليقات للاشتراك في برنامجكم بس مش عارفة اوصل للتفاصيل
يا ريت تراسلوني
bastokka@gmail.com
اوروفوار
والله فكرة حلوة
بس لما نجوز البنات اللى عندنا ندور نتجوز من برة
ياريت بس الاتصال يبقى محلى مش دولى علشان نخلص على العنوسه واللى جايبنها
تحياتى للفكرة
شكرا ليكم انا سمعت البرنامج وعجبنى جدا اما بخصوص السؤال ف انا رديت عليه والرد ان انا موافق ان اعمل بوست واحطه عندكم فى المدونة الجميلة دى ...
ارجو التواصل بيننا ..وعلى فكره انا محضر موضوع ممكن احطه عندكم وياريت عن طريق الايميل ..دا ايميلى O.SpiderHack
اعملولى اضافة وانا حبعتلكم الدرس ان شاء الله...
تحياتى
bastokka طهقانة
اهلا وسهلا بيكى صديقة للبرنامج وزائرة للمدونة
هو دلوقتى الحالة دى مفيدة يعنى لما يحب يتكلم معاها كلام كويس يبعت لها الرسومات الجرافيك من ورد وقلوب وما شابه ولما يزهق منها يوحب يخلص يهاديها بفيرس يدمر الهارد او المازر بورد
ومن الحب ما دمر يا حبيبتى
تمنياتنا بدوام التواصل
طارق الغنام
اهلا وسهلا بحضرتك صديق للبرنامج وزائر للمدونة
ماهو فى الحالة دى مش مشكلة من بره مصر ولا من جوه يا استاذ طارق المهم ان بهانة عثرت على حمدان ولابد من اتمام الجوازة باى شكل قبل ما يلم القرشينات ويتجوز بنت العم
شرفتنا
تمنياتنا بدوام التواصل
المبرمج المحترف
اهلا وسهلا بيك صديق لبلرنامج وزائر للمدونة
نشكر حضرتك جدا على تعاونك المثمر معنا
تمنياتنا بدوام التواصل
اصدقائى الأعزاء المدونين والمدونات
غداً الاربعاء 16/7/2008 يتم اذاعة حلقة خاصة من برنامجنا الإذاعى
أنت تسأل والكمبيوتر يجيب
الذى يذاع يوميا الساعه 9.10 صباحا على اذاعة البرنامج العام ماعدا يوم الجمعه
عن ياسر الوشاحى الهاكر المعتزل
كما يمكنكم سماع الحلقة مباشرة فى نفس موعد اذاعتها الساعة 9.10 صباحا
من خلال موقع البرنامج
http://dear.to/cairo
تمنياتنا بدوام التواصل
اصدقائى الأعزاء المدونين والمدونات
غداً الخميس 17/7/2008 يتم اذاعة حلقة الطلاق بالمحمول ( من المخطأ )
من برنامجنا الإذاعى
أنت تسأل والكمبيوتر يجيب
الذى يذاع يوميا الساعه 9.10 صباحا على اذاعة البرنامج العام ماعدا يوم الجمعه
كما يمكنكم سماع الحلقة مباشرة فى نفس موعد اذاعتها الساعة 9.10 صباحا
من خلال موقع البرنامج
http://dear.to/cairo
تمنياتنا بدوام التواصل
او لا مدونة جميلة ومميزة وهادفة
اما عن الزواج بالطريقة الهندية فهو من طرق الزواج العجيبة وبما ان الناس في زمن العولمة وان التكنولجيا هي لخدمة الانسان
اذن فشروط الزواج القديمة مثل المهر والقبول العائلة اصبحت قديمة
وان من شروط الزواج الجديدة
هي نوع موبيلك
ورنتك
ونوع سيارتك
واحوالك المادية
ولهذا اعتقد انة يجوز الزواج وربنا يتمم علي خير وهو يبقا جزء من عملية تبادل الثقافات والحضارات
مدونة لحن الغروب
ادعوكم لزيارة مدونتي واتمني التواصل الدائم بيننا
ابراهيم
أهلا وسهلا بحضرتك صديق للبرنامج وزائر للمدونة
مع التطور الطبيعى للتكنولوجيا لابد من تطور الحياة المعيشية من جواز وطلاق وخلافه
يعنى فى عصر الموبايل والدش والنت اصبح الزواج بالطريقة القديمة ومتطلباته من مهر وشبكة طريقة بلدى خالص
هو اجمل حاجه دلوقتى يبعت لها اس ام اس يقولها تتجوزينى .. تقوله موافقه وبكدا بالرفاء والبنين ان شاء الله ما الجواز اهم شرط فيه القبول
شرفتنا جدا
تمنياتنا بدوام التواصل
ازاي مش فاهمه ده احنا بقين متفتحين جواز النت والموبيل معظمه فاشل يعني لازم يشوفوا بعض وجها لوجه يسألوا عن عائلات بعض ولا في زمنا كل حاجه سريع ما احنا في عصر السرعه
إرسال تعليق