دار الحوار التالى بين الصديقين
احمد-عايز اروح السنترال ادفع فاتورة التيلفون
سمير-وليه السنترال عندك مكتب البريد القريب فى مصر الجديده
احمد-معقوله ممكن ادفع فى مكتب البريد؟
سمير-ايوه طبعا ولو طلع كلامى صح حتغدينى على حسابك
احمد-ماشى ولو طلع غلط حتغدينى انت هلى حسابك
توجه احمد لمكتب البريد وسال عن مكان دفع الفاتوره ودلوه على الشباك ولدهشته لم يجد اى طابور ولا اى زحمه خالص فرح وطلب من الموظف الجالس امام الكمبيوتر ان يدفع الفاتوره وجاءه الرد بان الكمبيوتر معطل منذ اربعة ايام مع ان الشباك مفتوح من 8 صباحا الى 8 مساء دون عمل
والسؤال من يكسب الرهان احمد ام سمير؟
هذه قصه واقعيه حدثت فى مكتب بريد الحريه فى مصر الجديده الساعه 11 ونصف السبت 27-11-2010
هناك ٧ تعليقات:
هههههههههههههههههههههه انا اللي حاغديهم علي حسابي ولا هو ولا صاحبه
هههههههههههه دى حقيقة تحدث كثير من المرات بلا توقف او انقطاع مستمر
وكاننا بلد الاعطال ههههههههه
جات الحزينه تفرح ما لقتلهاش مطرح
وبعدين الحل سهل قوى
بلاش غدا خالص ويطلعوا تعادل
هما اصلا رايحين يدفعوا الفاتورة يوم الإثنين
وشكلهم كده الاتنين صايمين
وكمان حكاية العطل دي ممكن تستمر شهور
ويبقى الحال كما هو عليه
طبعاً أحمد لازم يتغدى على حساب سمير لأن السنترال كان هيبقى أحسنله حتى لو زحمه بدل ما يدفع غرامة تأخير:)
أشكركم على زيارة مدونتي المتواضعه و على استعداد للتواصل معكم
تحياتي و دمتم بود
وداد
شيرين سامى
اهلا بكما ضمن اصدقاء البرنامج الذين نعتز بهمونتعشم دوام التواصل معنا
ونرحب بعودة الأستاذ صلاح صاحب مدونة فشكول ونقول له حمد الله على السلامه
يا جماعة استهدوا بالله
وانا مستعد اعزم احمد وسمير
والموظف الجالس بلا عمل من 8ص الى 8م فى مكتب بريد الحرية فى مصر الجديدة - وكل أسرة "أنت تسأل وكمبيوتر البرنامج العام - غير المعطل وبلا حسد - يجيب - عندنا على النيل فى نكلا العنب بحيرة وعلى حسابى
خاصة بعد انتهاء دوشة الانتخابات
ومش عزومة مراكبية
إرسال تعليق