حلم ...يمكن ان يحدث لأى واحد

كتبت ساره درويش ما حدث لها فى منتدى اصدقاء البرنامج على الفيسبوك :انا والنت وله رابط هنا الى اليسار

من كام يوم حلمت اني مرعوووووووووبة علشان بقينا قرب الامتحانات وانا لسة ما اخدتش درس انجليزي وانا ضايعة بقى في المنهج وحاسة اني مش هنجح فروحت جري لمدرس الانجليزي بتاعي باع الثانوي واخدت الدرس واتطمنت نسبياً صحيت من النوم وانا حاسة اني واحشني اووووووووووووي درس الانجليزي وحشني اوي بيت استاذي .. كنت بروح هناك انسى الدنيا قبل ما هو يجي كانت مراته تقعد معايا ونقعد نتكلم ونحكي شوية رغم انها اكبر مني بكتييييييييييير وبنته تقعد تبص لي من بعيد لبعيد وبعدين بقت تيجي تقعد معايا وبعدين في مرحلة متقدمة بقت تحكي لي اللي باباها ومامتها بيقولوه عني وانا مش هنا :D ويجي الاستاذ بقى ونبدأ الدرس وكالعادة على قد ما مبسوط من شطارتي على قد ما مخنوق من اني مش بخليه يكمل جملة على بعضها وانا اكملها وطول الدرس عمال يحكي لي عن تلامذته الاغبياء وعن خنقته منهم ويقعد - كل حصة - يقنعني ادخل علمي مش ادبي ، علشان انا انسانة عملية كنت باخد الدرس في الصالة وكانت مراته تبقى سامعة الدرس وممكن في وسط الكلام تقول تعليق ونقعد كلنا نتناقش فيه او نضحك او نتريأ كنت بحس اني جزء من حياتهم وبجد بنسى كل الدنيا لما اروح درس الانجليزي آخر سنة ليا بقى معاهم كانت مراته تقول لي " هتوحشنا رنتك للجرس يا سارة .. ماحدش بيرن الجرس برقة كده زيك هتوحشينا اوي " كانت عنيا تدمع واقولها يا طنط هاجي ازوركم اكيد بس ما تزهقوش مني فتقول لي لو جدعة بجد اعمليها وما تنسيناش النهاردة بجد كنت حاسة اوي اني محتاجة دنيتهم محتاجة اروح درس الانجليزي وانا ماسكة الكشكول والكتاب والمذكرة محتاجة ارجع تاني جزء من عالمهم اتصلت بيهم اخد ميعاد مراته ردت وصوتها مهموم .. ما فيهوش حرارة كل مرة بتكلمني بيها ومع كل ثانية في المكالمة كانت كلمتي " انا عايزة اشوفكم النهاردة ، حضرتك والاستاذ فاضيين ؟؟ " بتموت على لساني وفي الاخر نهيت المكالمة وانا بقولها " اصلكم وحشتوني وكنت عايزة اتطمن عليكم " حرارة صوتها رجعت بعد فواات الاوان وهي بتدعي لي وفرحانة اني بسأل وبس ... و مش علشان عايزة منهم حاجة كنت محتاجة اوووووووووووي درس الانجليزي .. لكن اكتشفت اني كبرت ، وماليش مكان في الحصة :(

هل المراه مجرد كائن عاطفى

تتردد هذه الجمله كثيرا حتى كادت ان تصبح حقيقه مسلم بها:المراه تتحكم فيها العاطفه ولذلك.... .... ....الخ وظهرت النت وانتشرت وسمعنا عن شركات مثل ميكروسوفت وياهو وجوجل ....ياهو تعانى منذ فتره مشاكل ماليه ...واصحابها لا يريدون الغاء بعض الخدمات التى تقدمها مجانا على النت لمجرد ارتباطهم العاطفى بها ولكن مع الأزمه الماليه العالميه ساءت احوال الشركه اكثر فعينوا مديره من خارج الشركه هى مسيز كارول لتصلح الأحوال وبالفعل قررت ان تلغى بعض الخدمات المجانيه وتتعاون مع ميكروسفت لمواجهة المنافس الأكبر جوجل ...استطاعت ان تفعل كل هذا لأنها غير مرتبطه عاطفيا بشركة ياهو وحكمت عقلها ...عقل البيزينس ....هل غيرت النت المفهوم الشائع عن المراه ام اظهرت جانبا موجودا تجاهلته العباره المشهوره ؟ نريد اجابات من الرجال والنساء

مواعيد الحلقات والتعليقات

الأربعاء 29-7-2009 حلقه عن مدونة الصديق احمد ماهر الصوتيه الخميس 30-7-2009 الرومانسيه وتعليق ايهاب الحمامصى السبت 1-8-2009 الرومانسيه2 وبقية تعليق ايهاب الحمامصى وتعليقات ايهاب رضوان رضا الكومى اسير الغربه الأحد 2-7-2009 الرومانسيه 3 وتعليقات منى سونيت احمد ماهر حياه بلا عنوان ام بتول نبراس العتمه الأثنين3-8-2009 حلقه خاصه عن مدونة الصديق ايهاب رضوان الثلاثاء 4-7-2009 حلقه معاده انا والنت يوم اجازة جوزى

هل لا تزال المعجزات ممكنه

هل لا تزال المعجزات ممكنه فى عصر النت والتكنولوجيا المدهشه ....قبل ان تجيب اقرا هذه القصه نجح رجل من الصين فى إيقاظ زوجته البالغة من العمر 42 سنة من غيبوبة دامت أكثر من 4 أشهر من خلال مناداتها باسمها يومياً. كانت الزوجه واسمها هان قد فقدت وعيها في منزلها في مارس الماضي ولم تستيقظ منذ ذلك الحين. وعلى الرغم من ان الأطباء قالوا له ان زوجته لن تستعيد وعيها أبداً، إلا ان الزوج شوكون كان يجلس يومياً بجوارها ويردد اسمها أملاً منه في أن يكون الأطباء مخطئين.وبعد مرور 128 يوماً على المرأة في الغيبوبة، فتحت عينيها وبدأت تأكل الفاكهة تدريجياً بمفردها.