تعالوا نتكلم بصراحه

فى المكاتب دخل الكمبيوتر والنت والطابعات الحديثه والمحمول فى الأيدى ...ولكن ماجدوى كل هذا اذا ظلت المكايد والوشايه او مايسمى بالزنب والحب المفقود بين الزملاء وتفرقة الرؤساء فى معاملة الموظفين لا على اساس العمل ولكن على اساس اى شىء أخر لا يمت لحسن الأداء بصله ...الى آخر امراض الأداره فى مصر ...ماجدوى الكمبيوتر والأجهزه الحديثه اذا ظل الأنسان كما هو؟

جيبك اخف مع المحمول ...قريبا

فى جيبك محفظه والمفاتيح والتيلفون المحمول ....ايه رايك تكتفى بالمحمول وتستغنى عن المحفظه والمفاتيح؟

بالتيلفون المحمول ستدفع ثمن مشترياتك وتفتح به الباب كيف؟ سيحمل معلومات خاصه بك انت وحدك مثل بصمة اليد او حدقة العين ويوضع بالقرب من جهاز عتد البائع او امام قفل البيت وعندما يقرا الجهاز المعلومات الخاصه بك يتم الشراء او يفتح الباب هو موجود بالفعل فى اليابان وكوريا الجنوبيه هل تعتقد انه سينتشر؟

مواعيد الحلقات والتعليقات

الأربعاء12-8 عريس لقطه من زماننا روقى-ايهاب الحمامصى الخميس13-8 عريس لقطه2 السنونو- ام بتول السبت15-8 عريس لقطه3 رضا الكومى-محمد عصام الأحد16-8 عريس لقطه4 بنوته- كرانيش الأثنين17-8 مزاد عرايس بسمه عبد الباسط-السنونو- احمد ماهر-زينب-محمود مرسى الثلاثاء18-8 مزاد عرايس2 ام بتول-غير معروف-لبنى غانم-ايهاب رضوان-سمر شريف-ايهاب الحمامصى

ماهى مواصفات العريس اللقطه فى هذا الزمان ؟

اولا

يعنى ايه عريس؟ حتقول او حتقولى على طول وهو ده برده سؤال؟ طيب استنى ولا تجيب او لا تجيبى الا بعد قراءة ما كتبته رنا من العريش فى مدونتها نظرة عين: احترت حقيقة في التعريف الدقيق واللغوي والصحيح لمعنى كلمة "عريس"..فهل العريس ده هو البني آدم اللي ممكن يشوفني "شكلاً" أعجبه يقوم يقول هي دي ويسأل عني عشان ييجي يزورنا خبط لزق ما انا شكلي عجبه؟! ولا هو البني آدم برضو اللي بيبعتلي حد يجس نبضي ويعرف اذا كنت مرتبطة ولا لأ عشان لو كدة يخلع من برة برة؟! ولا هو البني آدم اللي معرفوش أصلا بس واحدة قريبتي تقولي عليه ده لقطة محترم وأخلاق وكويس ولاتقلك والله مستخسراه في غيرك أكلم أهله عليكِ وأرشحك ليهم يمكن يحصل نصيب؟!! ولا هو البني شخص اللي بيرسم عليا دور اللي بيحبني بس لازم نعرف بعض أكتر يعني نخرج سوا ونتفسوح شوية كدة ونعيشلنا يومين قبل ما يروح لأهلي؟! ولا هو البني شاب اللي بيطلب يرتبط بيا في الجامعة اذ ربما نكمل بعد الجامعة ونتجوز؟!ولا هو الحد الجد المحترم اللي يعاكسني عالموبايل ولما أهزأه مرة واحدة واسيبه بعد كدة يرن يقوم باعتلي رسايل وبعدين يتصل من رقم تاني يقولي اني انسانة محترمه ومفيش مني عشان كدة هو قرر يرتبط بيا ومفيهاش حاجة لو شفته مرة عشان اقول رأيي لأنه حبني فعلا وهيرتبط بيا حتى لو كنت أكبر منه بسنتين؟؟!! ولا هو البني سخص اللي يكلمني مرة واحدة بس عالنت يقوم يعجب بشخصيتي وكلامي وووووو..إلخ فيطلب يشوف صورتي ورقم موبايلي عشان نتعرف أكتر عشان هو بيدور على عروسة دماغها زي دماغي وشخصيتها قريبة مني وده بقى بيبقى أنواع كتير..اللي مسافر برة مصر ومتخيل ان مينفعش أقوله لأ مبحبش اتعرف على حد لأنه لقطة"من وجهة نظره" ونوع تاني مبيحبش جواز الصالونات وبيقلك أنا دغري ومبحبش اللف والدوران صحيح دي أول مرة نتكلم بس انت عجبتيني مفضلش غير اشوف صورتك واسمع صوتك وياسلام لو نتقابل عالأقل مرة عشان آجي أخطبك انا مهندس وشغال في شركة بترول بس مش فاضي أدور على عروسة ومش عايز واحدة متخلفة ودماغها تعبانة؟!! ولا هو قريبك اللي شايف انه يعرفك كويس وشايف انك كويسة وتستاهلي يتكرم عليك ويشيلك اسمه وبعد ما هو لف ودار كتيييير لقى ان اللي يعرفه أحسن من اللي ميعرفوش وزيتنا يبقى في دقيقنا وخلاص بقى بدل ما تعنسي...؟؟!!!

هل اى واحد من هؤلاء يمكن ان يكون عريس لقطه؟ وما هى مواصفات العريس اللقطه؟