كل العيون تتجه لحظة فوز اوباما الى فستان زوجته!!!!!

فى لحظة فوزه الساحق والعالم يستبشر خيرا بحدوث تغيير حقيقى فى سياسات الولايات المتحده وترتفع الأسهم فى البورصات على الفور ...وتستمع الى اخبار الفريق الذى يعد لتسلم باراك السلطه فى 20 يناير وتسال عشرات الأسئله ....ركز كتير من الناس وخاصة اهل الأنترنت فى مدوناتهم على فستان مشيلى زوجة الرئيس المنتحب وهو فستان حديث بتصميمه والوانه وليس فستان سهره تقليدى البعض راى فى ذلك رمزا للتغيير المامول واعترض البعض الآخر انظر الى الصوره الى اليسار وقل او قولى رايك

مواعيد أذاعة تعليقات احبائنا زوار المدونه

الخميس6-11 المخبا السرى وتعليقات جيهان على ...علا سمير الشربينى....علا مخمد عبد المنعم السبت8-11 فستان بدل التيلفون المحمول وتعليقات لبنى غانم....ميرفت/روفى....علا محمد عبد المنعم الأحد 9-11 فستان ومحمول 2 وتعلبقات علا سمير الشربينى...جيهان على....عمرو عبد العظيم/سوسيلوجى....شيمائ زايد....دعوه للأمل....ياسمين حميد الأثنين10-11 معرض الأختراعات المدهشه وتعليقات موناليزا وميرفت/روفى شكرا لكل زوار المدونه ونسعد بصحبتكم دائما فكونوا معنا

اختراعات جديده للمستقبل

زرنا معرض لذيذ جدا للأختراعات الجديده على النت وكتبنا ماشاهدناه فى حلقه من برنامجنا ....ونريد رايكم فى هذا المعرض ومخترعاته بعد قراءة ما كتبناه

مستمعينا فى كل مكان صباح الخير

موسيقى

دقيقه من فضلك....عايزه اقرا المكتوب على الشريط المتحرك ده على شاشة الكمبيوتر

اخبار مهمه؟

لأ موقع جميل جدا على النت ....شوف مكتوب ايه على الشريط المتحرك:كل شىء ممكن ....هذا هو المكان الذى تعرض فيه افكارك الجديده وتشعر بمتعة الأختراع ولذة الأكتشاف

شكله كده مش لأى حد

لأ بالعكس ...بص كويس للصور التلاته جنب بعضها دى واقرا المكتوب فوق كل صوره

اول صوره مكتوب فوقها :اهلا بك فى معرض اختراعات الصغار....ادخل لترى مئات الأختراعات التى قام بها اطفال يتمتعون بخيال واسع خصب ....ستدهشك روعة الأفكار .....اتفضلوا ادخلوا ....حندخل بس بعد شويه

والصوره التانيه زى ما هو مكتوب فوقها : هنا يمكنك ان تجرب بنفسك هذه الأختراعات ....

والصوره التالته يقول عنوانها....لو لديك فكره جديده لأختراع نحن نساعدك لتسجيلها باسمك لتحصل على براءة اختراعك

وان لم يكن لديك اختراع او اكتشاف جديد حتى الآن....استمر فى التفكير والتخيل ....لأن شعارنا هو كل شىء ممكن ....والخيال يمكن ان يتحول الى واقع

بعد الكلام ده لازم متهيالى نخش معرض المخترعات ونشوف بنفسنا

بس دول زى ما قرينا مئات الأختراعات ووقتنا لا يسمح

معلهش نشوف على قد ما الوقت يسمح

موسيقى

احنا فى معرض للمخترعات فى موقع على النت مخصص لأصحاب الأفكار المبتكره

ايوه والموقع عنوانه :www.inventnow.org

الذ اختراع عاجبنى المنبه الصغير الطائر ....منبه لما يرن الصبح فى الساعه المظبوط عليها يطير ويفضل يلف حوالين راسك وهو بيرن لغاية ما تصحى وترجعه تانى مكانه ....طبعا لا يمكن تسكته وتنام تانى زى ما بنعمل مع المنبه العادى

الأغرب من المنبه الطائر الكرسى الطائر ...يطير بيك من مكان لمكان لما تفتح انبوبة غاز الهيدروجين فيه ...سريع ومريح وصديق للبيئه ....مكتوب كده

واللى هنا ده مش اختراع ده حلم :لو اخترعتها سوف انقذ العالم من التلوث وارتفاع درجة حرارة جو الأرض ....هى ايه؟ آه ههههههه سياره تسير بالماء

طبعا مش ممكن ننسى الكمبيوتر ....هنا كمبيوتر فيه امكانيات كمبيوتر عادى ....ولكنه لا يزيد فى الحجم عن 13 سم طول و10 سم عرض و3 سم سمك

ياخساره وقتنا قرب يخلص....بس بسرعه كده اقف شويه قدام روبوت يقوم بكافة الأعمال المنزليه وصاحبه بيقول انه صممه بحيث يشبهله وحتى كسى راسه شعر بلون شعره ....نسينا نقول ان هذا الموقع اقامته لتشجيع الأبتكار هيئة تسجيل الأختراعات ومتبرعين فى الولايات المتحده الأميركيه

موقع فكرته جميله وايضا مهم

اكتشاف ...مش كده

بس مش ممكن تسجليه وتاخدى براءة اختراع

معلهش خيرها فى غيرها

تعال معنا الى داخل المخبأ السرى لحكام اميركا

كل من قرا تاريخ الأنترنت يعلم انها بدات كوسيله تجعل قادة اميركا على اتصال اذا ما هوجمت الولايات المتحده بالأسلحه الذريه السوفيتيه ...ايام الحرب البارده بين الولايات المتحده والأتحاد السوفيتى ...بدا هذا الخوف منذ اكثر من خمسين سنه واستمر حتى انهيار الأتحاد السوفيتى ...سر آخر من هذه الأيام هو مخبا ضخم تحت الأرض يتسع لأقامة الحكومه وكل اعضاء الكونجرس والموظفين اللازمين به كل ما يمكن تصوره من مستلزمات الحياه مثل مستشقى ومحطة تيلفزيون لمخاطبة الشعب عند وقوع هجوم نووى ...المخبا تحت فندق فخم من فنادق الأثرياء الكبار جدا ....ويمكنك الآن التجول فيه بالضغط على الكليب الى اليسار والآن لماذا كشف هذا السر الآن 1-لزوال الخطر 2-لقدم تكنولوجيا المخبا بعد اكثر من خمسين سنه 3-لتلصص بعض الفضوليين